الوطن جكليت وهلاهل دوم .. الوطن چوبي وهچع ودبكة كلدانية
الوطن صبة وشبك أحرار ... الوطن آشور وشيعة ويزيدية
الوطن عيد وصلاة وصوم .. يجمعنا الوطن، إسلام ومسيحية
الوطن كوت وموصل وكركوك .. والمشخاب تحضن سليمانية
الوطن نخل البصرة والعشار .. وتين من الجبل للحلوة راوية
الوطن عرس وأخوة دوم .. والكاكا لو عرّس، يخطب كربلائية وابن العاصمة يصيف بأربيل .. ويشوي ابن العمارة سمجة بنية
ولو عبد المسيح يحتاج للجيران .. توگفله أم حمود وهية سنيه
_______________________
:العلم العراقي:
): اماقلت ياقلب انك اذا ماتبت عن حب العراق تتوب فها انا تائب عن حب العراق فمالك كلما ذكر العراق تذوب
________________________
ســـــــــــــــألوني عليك وجاوبتهم بيــــــك
ما يحتاج اجاوب وانته كدامـــــــــــــــــــــي
وصار الكلب ورقة والنبض اقـــــــــــــــــــلام
وقعت بضميري ونشفت اقلامــــــــــــي
واذا كصوا ابهامي الجنت ابصم بيــــــــــــه
حباً بالعراق ايخضر ابهامـــــــــــــــــــــــــي
واذا حبك اعدامي آنه احبك مـــــــــــــــوت
والله انولد في لحظة اعدامـــــــــــــــــــــي!
ما ميــــــــــــــــــــــــت كبل لتعد وراي ايام
بس ماتت حرب وامجلبة بايامـــــــــــــــي!!
كحلت الشـــــــــمس من دم ضحايا الفاو
ونهر جاسم غرك بس شالته ابلامــــــــي
شـــــــــــهر رمضان اجه وطب وطلع ونعاد
وانا اتسحر بصومي وافطر اصيامـــــــــــي!
ما شــــــــٌــــدن احزامي اتعلم امن انخاه
يشد روحه عليه لوحَده احزامـــــــــــــــي!!!
________________________
طبيب خابر الشرطه گاللهم: شرد من المستشفى واحد مخبل حيل اصلع وشعره مكفش.. گالوله شلون تصير؟؟ أصلع وشعر؟؟ گال مو گلتلكم مخبل حيل
_____________________________
محشش خابر الشرطة، گاللهم: انباگ الدشبول والستيرن مال سيارتي.. وره شويه خابرهم گاللهم: العفو شباب سامحوني ... جنت گاعد بالمقعد الخلفي
__________________________________
على جروحك ياوطن گاموا يرگصون ... لكن وحق نزفك ما يظلون
لو كل العراق يصير تابوت ... ولو شعبك على طولك يموتون
مادام دجلة يزگي الاراضي البيك .. مثل طبع الشجر باچر يخضرون
______________________________
محشش كمشوه الشرطه گالوله :تفضل بالسياره ويانه..گال:لا شكراً بيتي قريب
____________________________
ويندوز گلبي انضرب واحترگ حاسوبي .. لا تنفع الفرمته ولا كنسل وكوبي ... يا (رام) أشد يحتمل حبك يا محبوبي؟؟؟
______________________________
عشرتي وياك توم ويه جيري بالمطارد كضت بس مو بدينه.اذا قربت منك يوم فريت واذا قربت مني اتباعدينه.صفت حيه ودرج ملكاك وياي وكل درج نصعد نزل بينه.حضن كلبي الشوك وطار بي بكثر رحلات نيلز وبطوطه الحزينه.وصبر نحول كلبي دور عليك كضت ميتين حلقه وما التقينه.انا عدنان يتحده المصاعيب ويموت من القهر لو يوم ما جتي لينا.يساسوكي العمر كضيته دفرات وحبيبي اليوم اتوسل يجينه.اخوكم وليد من كليه المامون
___________________________________
فد مرة بنية وصلت متأخرة عل دوام .سئلتها المدرسة ليش متأخرة؟؟ كلتلها: ست موجان اكو ولد ديمشي وراية. كلتلها المدرسة: زين هو يمشي وراج انتي ليش تأخرتي؟ كلتلها ست مو جان يمشي عل كيفه
الخميس فبراير 22, 2007 8:19 pm